سیستەمێن وەرگرتنێ

سیستەمێ کریدیت سیستەمێ هژمارکرنا معەدەلێ قوتابی یە ژبۆ زانکۆ و پەیمانگەهان.

سیستەمێ کریدیت معەدەلێ قوتابی بتنێ ژ 70% وەردگریت و 30% ژ بابەتێن پەیوەندیدارە.

هەر بەشەکێ ل زانکۆیێ کریدیت بیت، ئەوی بەشی هندەک بابەتێن پەیوەندیدار هەنە و هەر بابەتەک ل سەر چەند نمرایە.

سیستەمێ کریدیت دێ معەدەلێ قوتابی لێکدانی (0.7✖) کەت داکو معەدەلێ قوتابی ژ 70% بینیتە دەر.

سیستەمێ کریدیت معەدەلێ قوتابی وەکی خۆ ناهێلیت، یان دێ معەدەلێ قوتابی بلندکەت یان دێ نزم کەت.

ژبلی بەش و کۆلیژێن پزیشکی، هەمی کۆلیژ و بەشێن دی هژمارتنا معەدەلی ب سیستەمێ کریدیتە.

ئەڤ سیستەمە ئارەزوومەندانە نینە، ئانکو نە ل دیڤ حەزا قوتابیە کا ئەڤ سیستەمە دڤێت یان نە.

ئەگەر قوتابی بەشێن پزیشکی بکەتە د فۆرما خۆدا، هینگێ بۆ ئەوان بەشان معەدەلێ وی یێ پۆلا دوازدێ چەندە دێ وەکی خۆ مینیت، بەلێ ئەگەر بەشێن دی یێن نەپزیشکی کرنە د فۆرما خۆدا، هینگێ ب شێوەیەکێ ئوتوماتیکی دێ معەدەلێ وی ب سیستەمێ کریدیت هێتە هژمارتن.

ل دەمێ قوتابی فۆرما زانکۆیێ دادگریت، سیستەمێ وەزارەتێ دێ بۆ بەشێن پزیشکی معەدەلێ قوتابی یێ گشتی هژمارکەت و بۆ بەشێن دی دێ ب سیستەمێ کریدیت هژمارکەت.

داکو تو بزانی بابەتێن پەیوەندیدار بۆ هەر بەشەکی چنە و ل سەر چەند نمرانە، هەر دناڤ مستر زانکۆ دا سەرەدانا بەشێ (بابەتێن پەیوەندیدار) بکە.

رێکا هژمارتنا معەدەلی ب سیستەمێ کریدیت کو قوتابی بزانیت معەدەل چەوا دهێتە دروستکرن یان کا بۆ هەر بەشەکی معەدەلێ وی دبیتە چەند یا خۆش و ب ساناهی نینە، بەلێ ئەگەر قوتابی نوکە و بەری فۆرمە بهێن حەزبکەت بزانیت کا بۆ هەر بەشەکی معەدەلێ وی دبیتە چەند، مە ب رێکا سیستەمەکێ زیرەک بەشەک دناڤا مستر زانکۆ دا دروستکرییە کو قوتابی بتنێ دێ نمرێن خۆ نڤیسیت، ئێکسەر سیستەم دێ بۆ قوتابی دیارکەت کا بۆ هەر بەشەکی معەدەلێ وی دبیتە چەند.